ذكرني باسمك

كلمات

 

عندك أخبار
فكرَك تتذاكى عليّ
بعد اللّي صار
شفتك أنا بعينيّ

 

لا تفكّر تسرد أفكار
من وحيك و من الخيال
و لا تقلّي إنّها أسرار
و لا تجرّب إنّك تحتال
شبعت منّه هالتّكرار
إنتَ و دمّاتَك التّقال
كلّ القصّة يا غدّار
طمعان بثروة بيّي

قلّي ذكّرني بإسمَك
حتّى أعرف إنتَ مين
راجع تترجّى و تتمسكن
و عم تلعبها على مين

بذكر لمّا من سنتين
جيت طلبتلّي إيدي
كنت تفصّل منّي تنين
و كان بليلتها عيدي
كلّن قالوا شو رجّال
اسماللّه لك ملّا جثّة
طبعًا أنا نفص الحال
إلّا المرحومة ستّي

كانت تنزعج من وجودك
و إنتَ ملبّص ليل نهار
يا ريت سمعت كلمة ستّي
و من وقتها شحطتك يا ح... احزر

بعد البحث و التّدقيق
شو بتغشّ المظاهر
القصّة منّها قلب رقيق
ولا بالوجّ الطّاهر

بدّها شويّة دراسات
و شخص يطوّل بالُه
و تَ ما يرسي عَ مأساة
لازم يختلي بحالُه

اسأل مجرّب مش خبير
علاقة دامت سنتين
نهايتها كانت تعتير
و انسولي صيبة العين

قلّي ذكّرني بإسمَك
حتّى أعرف إنتَ مين
راجع تترجّى و تتمسكن
و عم تلعبها على مين

 

أغاني منفردة