مع عبادي الجوهر سامحني يا حبيبي

كلمات



آمال ماهر وعبادي الجوهر - أغنية 2015 سامحني يا حبيبي


كلمات : حسين السيد

ألحان : طلال

توزيع : أمير عبدالمجيد


 


سامحني يا حبيبي .. مش قصدي أجرحك

لما بقولك نبعد وننسى حبنا


تسألني ليه .. حقولك عشان أريحك

ويا ريت قلبي يطاوعني وأرتاح كمان أنا

خبيت عليا ليه سرك من الأول

وسيبت ليه الطريق يحلوّ ويطول


أنت كان لك ماضي قبلي وعرفت غيري وحبيته

والماضي ده جالي وقاللي .. إداك حياته وإديته

وعشان كدة كان لازم أفكر قبل ما أحبك أكتر وأكتر


لو حبك الماضي صحي وتلاقي روحك بين حبيبين

حيبقى فين أنا مطرحي وساعتها أروح من جرحك فين

سامحني يا حبيبي .. سامحني يا حبيبي مش قصدي أجرحك


بتحلفلي وبتقولي ده كان ماضي وصبح ذكرى

وأعيش أنا ليه مع صورة جايز تنده عليك بكرا

وأضمن منين الأمان مع ذكرياتك زمان

والقلب عمره ما بينسى بيسيب علامة ولو همسة


أنت كان لك ماضي قبلي وعرفت غيري وحبيته

والماضي ده جالي وقاللي .. إداك حياته وإديته

وعشان كدة كان لازم أفكر قبل ما أحبك أكتر وأكتر


لو حبك الماضي صحي وتلاقي روحك بين حبيبين

حيبقى فين أنا مطرحي وساعتها أروح من جرحك فين

سامحني يا حبيبي .. سامحني يا حبيبي مش قصدي أجرحك


بيلوموني ويسألوني ماضي هواك ليه مخوفني وقلبي ليه محتار

أقول يا ناس إفهموني ليه مقاليش وصارحني من أول المشوار


لكن أنت كدبت عليا وأنت أول حب ليا

أيوة حبيتك .. أيوة حبيتك

حب فرحني وسهرني وهناني

حب مش ممكن يكون في الدنيا له تاني


بس مش حقدر أكمل الطريق وياك

خطوة تالتة ماشية جمبي بتشاركني هواك

وعشان كدة كان لازم أفكر قبل ما أحبك أكتر وأكتر


لو حبك الماضي صحي وتلاقي روحك بين حبيبين

حيبقى فين أنا مطرحي وساعتها أروح من جرحك فين

سامحني يا حبيبي .. سامحني يا حبيبي مش قصدي أجرحك

اغاني اغاني منفردة