أمي نامت ع بكير

كلمات

امي نامت ع بكير- فيـروز

السنة : 1964

كلمات: الأخوين رحباني

ألحان: الأخوين رحباني


إمــــــي نامت ع بكير وسكر بيي البوابــة

وأنا هربت من الشباك وجيت لعيد العزابة


شباكـــي بعدو مفتوح والبردايـــة عم بتلوح

ان عرفو بغيابي أهلي يا دلي وين بدي روح

وين بدي روح يا دلي ان عرفو أهلي بغيابي


يا ورد العايق بالطول بتضل بحالك مشغول

شوكك بتيابي علــــق هلق لإمي شـــو بقول

شو بقول لإمي هلــق علـــــق شوكك بتيابي



شباب: شو بروحو البنيّات يعملوا بعيد العزابي

صبايا: بروحو يلموا حكايات ويشوفو حظُّن بالغابة

المجموعة: بعيد العزابي بيجتمعوا

العشاق وبتقلن الغابة كل تنين رفاق

ريما: والحبايب يتلاقوا بالحبايب

والعزابي ما بعودوا عزابي

المجموعة: يا قفاص المحبة رح بتصير بيوت

تشعشع المحبة ع بوابك وتفوت

ريما: يا شباب الي جايين تَ تلاقوا الصبايا إصحى

تكونوا كزابين وفي شي بالخبايا

جايين نواطير التلج الي بيقروا الخفايا جايين

نواطير التلج تّ يضووا النوايا

والي مزغزغ النية وعم يضحك ع صبية

بياخدوه نواطير التلج ع جبل ببرية

وبيحبسوه بعلية ما فيها غير عتمة وتلج

شباب: ناطرين النواطير حتى يفوتوا ع القلوب

يشوفوها كيف عم بتدوب بحب

الصبايا وتطير

المجموعة: ع القلوب المتل التلج تعوا يا نواطير التلج

صبايا: يا نواطير التلج يا نواطير البرد

والشتي والهوى يا ترى ع التلج شو قصص

الحب والحكي والهوا

ريما: يا نواطير التلج يا نواطير البرد والشتي

والهوى يا ترى ع التلج شو قصص

الحب والحكي والهوا

المجموعة: سأليهن يا ريما حاكيهن يا ريما

ت نعرف سوى يا ترى ع التلج شو قصص

الحب والحكي والهوا

ريما: بيقولوا النواطير سمعوا

هالخبرية البتضلا هيي هيي

المجموعة: شو قالوا النواطير

ريما: بتقول الخبرية هو وهي من أول العمر

لآخر العمر بتتخبى بيلحقها بتزعل

بيراضيها بتوقف بيسبقها بيرجع يلاقيها

من أول العمر لآخر العمر

هو وهيي وخلصت الخبرية

المجموعة: هو وهيي وخلصت الخبرية

ريما: هو وهيي وخلصت الخبرية

المجموعة: هو وهيي وخلصت الخبرية

ريما: بكرا حلوة كتير الخطبة بس الجازة

بتبقى صعبة ولو بتشوفو بعد الجازة

أيام التعب والغربة

المجموعة: عارفين ورح نتجوز

ريما: بس الجازة ولاد وهم

المجموعة: عارفين ورح نتجوز

ريما: فيها شغل وزق اْغراض

المجموعة: عارفين ورح نتجوز

عارفين بدنا نتعب عارفين رح نتعزب لكن بدنا نتجوز

حتى نصير نزق اْغراض ونتقاتل مع النسوان

ونلم علينا الجيران ونولع سيجارة

بضهر السيجارة ونقعد على الباب نقول

يا ريت ما تجوزنا يا ريت ما تجوزنا

يا ريت ما تجوزنا يا ريت ما تجوزنا

اغاني بياع الخواتم