يا طير

كلمات

 فيروز - يا طير


كلمات: الأخوين رحباني

ألحان: الأخوين رحباني

تاريخ: 1967




يا طير يا طاير على أطراف الدني

لو فيك تحكي للحبايب شو بني يا طير


روح اسألن ع اللي وليفو مش معو

مجروح بجروح الهوى شو بينفعو

موجوع ما بيقول ع اللي بيوجعو

وتعن ع بالو ليالي الولدني


يا طير واخد معك لون الشجر

ما عاد فيه إلا النطرة والضجر

بنطر بعين الشمس ع برد الحجر

وملبكة وايد الفراق تهدني


وحياة ريشاتك وإيامي سوى

وحياة زهر الشوك وحبوب الهوا

ان كنت لعندن رايح وجن الهوى

خدني ولنو شي دقيقة وردني


 

اغاني اغاني منفردة