حَبّيتْ ارْمِي الشّبَكْ
كلمات: عبد الجليل وهبه

حَبّيتْ ارْمِي الشّبَكْ .. عـ قَلْبْ ما بْيِنْشَبَكْ
حِكْيِتْ مَعِي مِنْ غَيْرْ .. ما تِحْكِي مَعِي
ويا عْيُونْ عَنْدْ النّاسْ .. ما خَلّتْ وَعِي
ورَدّتْ وقالِتْ
خَلّي عَنْدَكْ خَبَرْ .. إنّو قَلْبِي حَجَرْ
ياما مْلَعّبْ بَشَرْ .. عَلَى الشّكَرْ بَكَرْ
وعْيُونْها قالِتْ .. وعَنّي مالِتْ
شالِتْ حَطّتْ .. حَطّتْ شالِتْ
كُلّو بْلَفْتِةْ نَظَرْ

رَدّيتْ بِالْمُخْتَصَرْ .. بِكَلامْ مُشْ مُنْتَظَرْ
رَدّتْ بِلَمْحْ الْبَصَرْ .. وجْبِينْ مِتْلْ الْقَمَرْ
لا تِتْمَرْجَلْ عَلَى .. عاشِقْ قَلْبُو ابْتَلَى
مْعَوّدْ يَحْمِلْ قَهِرْ .. مْعَوّدْ يَحْمِلْ سَهَرْ

وغْلِبِتْ قِلّا اسْمَعِي .. يا بِنْتْ صِفّي مَعِي
قالِتْلِي يا ابْنْ الْحَلالْ .. بَوْصِيكْ لا تِدّعِي
غَرّدْ بِنّا الْهَوَى .. وتْعارَكْنا سَوا
ضِعْنا وضاعْ الْوَعِي .. مِدْرِي مِينْ انْتَصَرْ