تعمر لبنان

كلمات

كلمات تعمر لبنان


كلمات: الشاعر مرسال مدور

ألحان: الفنان وسام الامير

توزيع: باسم رزق

تسجيل: ستوديو موريس طويلة




سافرتوا كان عنّا حرب

و فرّقونا شرق و غرب

خلصنا نار و قهر و ضرب

و تعمّر لبنان


عَ ليالي بيروت رجعنا

الشّمس وعيت تسهر معنا

بإسم السّلام تجمّعنا

من كلّ الأديان


و إمّات عم تبكي و تسأل

عَ اولادها اللّي غابوا

و البي خايف ما يرحل

قبل رجوع احبابُه


لا تترك بيّك زعلان

إمّك تدمع عَ الهجران

بدّك ترجع عَ لبنان

تبوّس حبّات ترابُه


مهما بأوروبا جنّيت

بأميركا عشقت و حبّيت

ما رح تقدر تنسى البيت

اللّي عم يبكي عَ غيّابُه


بتركض لَ تاخد جنسيّة

و بيروت الحلوة منسيّة

تفاخر في عندَك هويّة

من أرض جبران


كندا عنَّك عم تبعدني

اتركلي البرازيل و سيدني

وعدني من إفريقيا وعدني

ترجع عَ لبنان


الموال


عَ اللّه عَ اللّه نعود نفرح بوطننا

بتسوى الدّني نسمة هوا عنّا

مهما بغربتك تجني يا خيّي المال

إلّا بأرض الوطن ما فيك تتهنّى


سافرتوا كان عنّا حرب

و فرّقونا شرق و غرب

خلصنا نار و قهر و ضرب

و تعمّر لبنان


عَ ليالي بيروت رجعنا

الشّمس وعيت تسهر معنا

بإسم السّلام تجمّعنا

من كلّ الأديان


و إمّات عم تبكي و تسأل

عَ اولادها اللّي غابوا

و البي خايف ما يرحل

قبل رجوع احبابُه


الصرخة


يلّا ارجعوا

يلاّ رجعوا..... الشمل جمعوا لبنان في اللّه مـــــــــعو

مهما الأعادي تمرجلــــــــوا عتراب أرضو بيركعـــوا

من هون من عنا الحــــــــلا أرضنا نبع الصــــــــــلى

للحرب نحنا رجالـــــــــــــها وللسلم يا ميّة هـــــــــلا

ان تجمعنا منربح وطــــــــن وان تفرقنا فينا بيطمعوا رجعوا رجعـــوا رجعـــــوا


لا تترك بيّك زعلان

إمّك تدمع عَ الهجران

بدّك ترجع عَ لبنان

تبوّس حبّات ترابُه

 


 

اغاني اغاني منفردة