أوّل أيار

كلمات



بتتذكر يا بييي كيف كانوا العمال بعيد العمال


محفورة يا بييي صورتهن بالبال


ناس كتير وصوتن عالي


عَوجوهن تعب الليالي


وجامعهن حلم العدالة


 




صار العيد بيمرق مرقة


متل الواجب هيكي سرقة


كل أول أيار


 




كأنّوا قديس الأول من أيار


منرفعلو قداديس ومنبخّر بالدار


منلبس أحلى تياب ومنعيّد الصحاب


كل عام و إنتو بخير ينعاد عليكن


منتلاقى بسنة الجايي بأول أيار


 




شو عملنا حتى تغيرنا


شو بدّل الأحوال


ما نحنا ولا يوم ارتحنا


ولا ارتاحوا العمال


والعالم كلّن عبيد


ما عندن فرح ولا عيد


وليلن ما بصير نهار


حتى يشوفوا العمر كلّو


أول من أيار


 

اغاني اغاني منفردة