الشوفيريه

كلمات

الشوفيرية

مارسيل خليفة

البوم "عالأرض يا حكم"




نحنا الشوفيرية شرايين المدينة

إذا شي يوم توقفنا منحبسكن بقنينة

ما خلقنا ب "بستون موتير" ما حدا بيخلق شوفير

كان في عنا أرض وزرع مساكب دخان وتعتير

غمض عين وفتح عين سحبتنا المدينة


* * *

بيقولوا لك هيدي نمرة أمضي وروح بلش بالشغل

بدل الخمسة بيركب عشرة حتى يوفي معنا الشغل

حتى يوفي معنا الشغل

وعالحسبة تيتي تيتي متل ما رحتي جيتي

ولوه...... ما عاد فيني على هالحالة ولوه

يادنيا اسمعيني


شو بدك تمشي تا تمشي حتى ترد المصريات

يا ما عم نحرق بنزين وأعصاب وزيت "فرامات"

والتعريفة ما بتنزاد ركاب شغيلة وولاد

ولــــــوه ما عاد فينا على هالحالة ولووه

يا دنيا اسمعيني


* * *


نحنا الشوفيرية نحنا شرايين المدينة

إذا شي يوم توقفنا منحبسكن بقنينة

ما خلقنا ب"بستون موتير" ما حدا بيخلق شوفير

كان في عنا أرض وزرع مساكب دخان وتعتير

غمض عين وفتح عين سحبتنا المدينة

اغاني علي الارض ياحكم