دايما عايشين

كلمات

اهداء الي ابطال ثوره 25 يناير


الوشوش دى مش غريبة عن عينيكوا وعن عينيا

ناس بريئة كان هدفها بلدها تتغير شوية

كل ده من غير مصالح كان ده كله بحسن نية


حاسس إنى اعرفهم كلهم

حاسس إن انا فيا منهم

ملامحهم روحهم دمهم

دول مصريين


ماهو مش معقول ولا ذنبهم

يخرجوا يندهوا على حلمهم

يتاخد منهم عمرهم

ده يرضى مين


عشان احنا نعيش استشهدوا

ولا مال ولا حاجة يعوضوا

إنصرهم قلبك جمده

خليك أمين


دول كانوا شباب من سننا

واللى اصغر واكبر مننا

أمر الناس ديا يهمنا

ماسكتش عليه


كلنا هنكمل حلمهم

دول ضحوا عشاننا بنفسهم

ولا يمكن هيضيع حقهم

لو يحصل إيه


فالجنة مكانهم مش هنا

ارتاحوا وراحوا لربنا

وهيفضلوا جوا فقلبنا

دايما عايشين

اغاني اغاني منفردة