كرمال اللي ماتوا

كلمات

شعبا ما ملاقي ذاتو ... الّا بزلمة زعاماتوا

شايف حالوا بنتفة أرز ... و بحر و جبل و مناخاتو

لا كرمال تراباتو ... ولا لميزة مناخاتو

كرمال الماتو للأرض ... رح غنّي لهيدي الأرض

لا لتلجو و لا لشمسو ... ولا تشكيلة مازاتو


مش همّي انا لون الأرز

لا الدبكة ولا الشروال

لا الشحرورة و لا الزغلول

لا العجايب لا البخّور

ما بغنّي للمغتربين

ولا لشعلة بيت الدين

لا جبران و أبياتو ولا سعيد و سرداتو

اذا رح غنّي لهيدي الأرض ... كرمال الماتوا للأرض

لا لتلجو ولا لشمسو ... ولا اعياد استقلالاتو


مشّ همّي ان كات عنّا مطار.... و اسمو بيتغيّر ب نهار

ما بغني كرامة اثار... و لا لصخرة بنصّ البحار

لا السياحة بتعنيلي ... و لا الطبيعة بتغريني

ما الطبيعة من الله ! نحنا شو اللي دخّلنا

بسّ الماتوا لهيدي الأرض ... اختاروا يموتو كرامة أرض

ماتوا كفاية ... و بالنهاية

افتكتو انتو بخيراتو


 

أغاني منفردة