دوري اجا وصار لازم روح

لبي ندا رايه عم تنادي

آخد معي من الروح نص الروح وحبك يا عمري

احمل زوادة اترك بلادي لأ لازم روح

تكرم عيونك وتكرم بلادي

انا رايح بكرة عالجيش اتجند بين رفاقي

بعرف يا روحي قديش ما فيكي تطيقي فراقي

لكن انا رايح اتجند مهما دربك عني يبعد

قولي لقلبك يتأكد اني على حبك باقي

انا رايح بكره انا رايح بكرة عالجيش

يمكن بكره راح اتغير قصة شعري متل العسكر

وبتزرع شمسات بلادي فوق زنودي اللون الأسمر

بكرة راح بتشوفيني ملون بالمجد جبيني

واول ما بتلاقيني بحكيلك عن اشواقي

بكرة البارودة بيعطوني وبتسهر بالليل عيوني

بين البارودي و العين مع دقة قلبي بتكوني

منك شي صورة اعطيني حتى تظل تسليني احكيها و تحاكيني وغفيها بين اوراقي